Nocturn aranés, d’Imma Pericas (edició en aranès)

En aguesta novèlla se descriuen en parallèl es vides troncades de dues hemnes: era mair d’ua familha judiua ena sua trauèssa des Pirenèus en tot escapar dera persecucion dera Gestapo, e era aranesa que les hè de guida, hemna mautractada de ben joena pr’amor dera praubesa des sues origines. Era vida a volut capvirar es sòns destins damb era possibilitat d’empréner naui camins e compromisi.
Acompanhen a Rachel e a Carmina tant enes perilhs dera rota de hujuda com en viatge intèrn de suparacion, ben desparièr en un cas e er aute, e mos acalaram damb eres ena duresa quotidiana dera Val d’Aran, ena epòca dera guèrra e era postguèrra que coïncidís damb era invasion de França pes exèrcits nazis.

Imma Pericas Pagès (Barcelona, 1944), licenciada en Psicologia, a dedicat era vida professionau ath mon des persones damb besonhs educatius especiaus. Parallèlament ath sòn prètzhèt professionau a desvolopat d’auti interèssi sociaus e linhes de trabalh en aspèctes com es desparières situacions e contèxtes dera vida dera hemna, e a collaborat damb Associació de Dones Empresàries FEMVisió. Damb aguesta organizacion formèc part deth grop de hemnes qu’anèren tà Beijing entath Congrès Internacionau convocat pes Nacions Unides er an 1995 pr’amor de revisar es circonstàncies d’opression des hemnes e balhar linhes de conducta entà milhorar es leis en tot eth mon. Aguesta experiéncia l’afectèc pregondament. A trauès dera educacion artistica recebuda ena Escola Elisava de Barcelona e en Carrau Blau de Sant Just Desvern, a desvolopat ua guardada atenta sus eth paisatge, es lums, es objèctes… Era montanha e eth camp e eth corròp de valors que representen supausen ua part dera sua formacion e der esperit dera sua familha. Tostemp l’a fascinada eth mon dera paraula e jamès a deishat d’escríuer; era sua personalitat e interèssi demoren reflectidi en Nocturn aranés, era prumèra òbra que publique.

• Imma Pericas mos aufrís un autentic testimòni d’ua epòca crua en lòcs barradi de montanha, en especiau entàs hemnes, e ac hè damb ua pròsa agila, sòbria, a còps poetica, damb ua elegància que mos captivarà.
• Llegeix un fragment de Nocturn Aranés en aranès aquí.
• Nota de premsa

Dades tècniques:
Pàgines: 360
Mida:14×21. Rústica amb solapes
PVP: 19,50 euros
Publicació: juny 2021
ISBN: 978-84-122351-8-0